| 其實我唔係好記得去左韓國咩地方...... Day 1
HK -> Seoul -> Bushan 坐零晨機, 全程都訓唔到既, 去到機場傻咖, 五點幾六點, 咩reception都未開, 好坐都俾我地搵到車去Seoul Station (火車站), 去到仲去左便利店買左d野食同野飲...個度d人英文真係好唔得, 睇黎呢六日我都要靠我既扮聲同埋扮野能力喇... 由首爾出發, 坐完三個鐘頭車去到 Bushan, 梗係要搵酒店啦...無訓過呀大佬...佢地個度叫Motel, 因為有車位的. 上網搵左兩間, 一間叫Relax, 一間叫 tema 21, 但係行左勁耐都搵唔到, 只係搵到一間叫Free同埋 Theme 21...最後確認左tema 21即係theme 21, 應該係typing error...大佬, 呢d資料出錯會行死人咖... 不過搵酒店既途中有個男人叫我地去佢間motel叫做Crystal Motel, 仲好平添...我地驚有奇怪野, 跟佢行左去酒店睇房, 嘩!!! 圓型既床, 開房格局, 台上幾個未開既condom=.=!!!! 我地見到立即逃走... 之後鍾意搵到theme 21啦, 好搞笑, 又唔使你登記, 只要俾錢就可以喇...睇黎都係方便俾人開房咖啦...不過環境就好好多, 無condom囉起碼...但係個廁所係得番摸砂玻璃咋...去大便個樣都會俾人見到囉... 之後行左一陣...個海灘好大 不過有d臭, 去到tourist information個後門見到地下有條key, 好搞笑囉, 我結果由正門入番去俾番條key佢地.....問左佢地係邊有得唱錢就走喇。 午餐求其去左間韓燒既地方食. 幾好啦都, 有個典型韓國男人serve我地, 幫我地煮...佢地好鍾意搵d 生既菜 (即係樹葉)包住d烤肉去食. 其實咁樣食都幾好, 唔會好肥膩...... 食完之後去搵汗蒸幕...去既途中經過一個街口係可以浸腳咖, 公共設施黎咖, 唔使錢, 不過全部都係伯伯婆婆叔叔嬸嬸...... 同日本既溫泉好唔同呀, 汗蒸幕又多人, 又唔知做乜, 又嘈喎, 入到去就除晒d衫, 毛巾都無條咖, 行去沖涼又唔係用沐浴露而係用soap咖, 好dirty呀, 我沖個舊soap仲有條毛係度咖頂...所以都無用soap沖涼囉, 跟住d阿叔又凶神惡死咁, 阿伯又係度盪盪下, 個場又似泳池囉...本來有個叫刮魚鱗既節目, 我都唔敢玩喇, 俾個男人用d 粗糙既手套係咁刮走身體所有既死皮, only唔刮你個1%既皮膚囉 (讀nursing既同學, 即係Burn case 估計個病人燒傷範圍咪得一個地方係得1%既...)...好突兀呀, 連脾lar都會刮...shit...所以唔玩喇... 著番衫之後去左個空地, 聽講係俾d人係度休息, 野餐同訓覺喎...都幾得意咖, 個達空地係暖咖, 識得發燒, 其實應該係一個大型煎pan囉哈哈, 我係上面訓著左... 入面仲有一個5度既冰房, 一個好熱既房, 一間有味度既房, 好奇怪呢... 係街邊買左d 砂糖餅食. 好難食呀, 甜到苦... 夜晚去左食生魚片...同d韓國女人溝通唔到, 問佢食咩魚, 佢地一尾係度叫我地揀最貴個餐...笑死隔離個台人囉......食落又唔覺有咩特別, 同平日食既魚生唔同, 係透明的一塊塊魚肉, 食落無味, 三條魚都分唔清係邊條打邊條囉... 跟住仲行左陣, 食左街邊炸野啦, 食左ice cream啦...咁又一day啦... Day 2
Bushan -> Seoul 初頭諗住去坐船, 點知打風嘛, 隻船唔出外島, 所以唔去喇, 去左行街囉, 跟住仲坐車去左.... to be continued |
